Sterk saman, lokaritgerð Kristínar Snorradóttur, til BA-prófs við menntavísindasvið Háskóla Íslands í þroskaþjálfafræðum er nú komin á vef Vímulausrar æsku. Markmiðið með ritgerðinni var að skoða sjálfstyrkingu barna og unglinga með ADHD og hlutverk þroskaþjálfa. í ritgerðinni fjallar Kristín almennt um ADHD og birtingarform röskunarinnar og hvernig hún birtist í barnæsku. Vímuefnaneysla er meðal annars talin áhættuþáttur í lífi unglinga með ADHD og er sérstaklega tekin fyrir.
Kenning Erik H. Eriksonar um mótun sjálfsmyndar og hlutverk unglingsáranna er rædd með hliðsjón af börnum og unglingum með ADHD. Að endingu er fjallað um þroskaþjálfann, menntun, starfskenningu og vinnubrögð. Það er að segja hvernig sérþekking þroskaþjálfans nýtist til þess að efla sjálfsmynd unglinga með ADHD. Aðaláhersla er lögð á þá þætti sem eru til þess fallnir að styrkja sjálfsmynd barna og unglinga með ADHD.
Námskeið hjá VÆ
Skráning á námskeið
Vímulaus Æska